.

Kæra hjólreiðafólk

Undanfarna mánuði hefur stjórn HRÍ unnið að erfiðu verkefni en í því felst að breyta þarf úrslitum í Íslandsmeistaramótinu í Cyclo Cross sem fram fór 11. nóvember 2017.

Því miður hefur þessi vinna tekið allt of langan tíma og valdið óþægindum fyrir báða málsaðila.

HRÍ fékk ábendingu um að hugsanlega væru úrslit ekki rétt og hafði stjórn HRÍ samband við alþjóðasambandið UCI. Við tóku nokkrar vikur í samskiptum milli sambanda og varð endanleg niðurstaða sú að Gústaf Darrason er réttilega Íslandsmeistari í Cyclo Cross 2017.

Það er ekki auðvelt verkefni að breyta úrslitum og tilkynna Ingvari Ómarssyni að hann hefði ekki orðið Íslandsmeistari. HRÍ lagði mikla áherslu á að enginn misskilningur ætti sér stað í samskiptum við UCI og vildi stjórn HRÍ vinna þetta mál 100%.

HRÍ harmar að hafa ekki þekkt reglu 5.1.001 í regluverki UCI en það var sú regla sem var brotin í þessu tiltekna móti. Nánar má skoða regluna hér: http://www.uci.ch/mm/Document/News/Rulesandregulation/16/61/43/5-CRO-20180626-E_English.pdf

Hjólreiðasamband Íslands er nýlegt samband og í örum vexti og munum við gera okkar allra besta til að tryggja að slíkt geti ekki gerst aftur.

Kær kveðja

Formaður HRÍ

Maurice Zschirp