Íslandsmeistarinn tekur þátt í fjölmörgum mótum í ágúst og september

Þann 7. ágúst tók Ingvar Ómarsson þátt í Evrópumeistaramótinu í fjallahjólreiðum í Glasgow í Skotlandi. Ingvar var settur í öftustu röð í ræsingu og endaði í 46. sæti af 53 keppendum. Ingvar atti kappi við fremstu fjallahjólreiðamenn í Evrópu og það er því frábær árangur að hann hafi ekki látið fremstu menn ná að hringa sig og hafi lokið keppni í fullri lengd. Nánar má lesa um keppnissögu Ingvars á heimasíðu hans.

Nóg er framundan hjá Íslandsmeistaranum en hann stefnir m.a. á að taka þátt í tveimur heimsmeistaramótum og einu heimsbikarmóti á næstunni. HRÍ mun fylgjast með ævintýrum Ingvars.