Í dag fór fram keppni í Evrópumótinu í götuhjólreiðum í Elíte flokki karla hér í Limburg, Belgíu. Kristinn Jónsson keppti fyrir Íslands hönd á sínu fyrsta stórmóti í elíte flokki. 

Hjóluð var nákvæmlega sama leið og U23 og Elite konu flokkarnir, nema teknir voru fleiri hringir um Hasselt og einnig í Limburg.

Samtals voru 131 hjólreiðakarlar skráðar til leiks í dag en aðeins 79 náðu að hjóla í mark. Tim Merlíer frá Belgíu kom fyrstur í mark eftir spennandi sprett í stórum hóp. Meðalhraði hans í brautinni í dag voru rúmir 48,2 km./klst þessa 222,8 km. leið.
Kristinn náði að hjóla helming keppninnar í dag eða samtals 111 km.

Þar með endar þessi keppni hér í Belgíu í ár. Allir okkar keppendur mega vera stoltir af sér og frammistöðu sinni hér. Allt hefur gengið vel, mjög góð stemmning í hópnum og allt skipulag hefur gengið eftir. Allur hópurinn er reynslunni ríkari og mikið sem við munum taka með okkur héðan í næstu verkefni landsliðs Hjólreiðasambandsins.

Það eru spennandi tímar frammundan.

Sjá má úrslitin hér.