Í dag fóru fram allar tímatökukeppnir Evrópumótsins hér í Limburg Belgíu. En tímatökukeppni fer þannig fram að keppendur eru ræstir út einn og einn í einu þar sem hver keppandi reynir að skila sér í endamark á sem styðstum tíma.

Fyrstur okkar keppenda til að fara af stað var Davíð Jónsson í U23 flokknum. Hann lagði af stað þriðji í röðinni og kom í mark í 31. sæti af 37 keppendum. Meðalhraði hans þessa 31,3 km. leið var 47,54 km./klst.

Næst af okkar keppendum var Silja Jóhannesdóttir sem var að keppa í sinni fyrstu stóru keppni í tímatöku. Hún stóð sig frábærlega og skilaði sér í mark á tímanum 45. mín. og 33 sek. Meðalhraði hennar var 41,22 km./klst.

Íslandsmeistari í tímatöku seinustu þriggja ára Hafdís Sigurðardóttir var næst okkar fólks til þess að starta. Fór hún brautina á 44:55 mín. sem skilaði henni í 23 sæti af 27 heildar keppendum. Meðalhraði hennar í brautinni var 41,8 km./klst.

Kristinn Jónsson endaði svo í 26. sæti í Elite flokki karla í dag. Samtals voru 29 keppendur sem tóku þátt í þeirri keppni. Tími Kristins var 39:56 mín. og meðalhraðinn 47 km./klst.

Heilt yfir má segja að allt okkar fólk hafi staðið sig mjög vel og að árangur dagsins sé vel við unandi, allir náði að skila öllu sem þau áttu í hjólin í dag. Árangurinn er sérstaklega góður þegar haft er í huga að í dag vorum við að keppa við alla helstu tímatöku sérfræðinga allra þjóða í Evrópu.

Sjá má heildarúrslit dagins á heimasíðu keppninnar.