Evrópumótinu í U23 flokki karla í götuhjólreiðum var að ljúka í Anadia, Portúgal. Eyþór Eiríksson (HFR) náði að halda vel í hópinn á fyrsta hring en datt aftur úr á öðrum hring. Samtals náði hann að hjóla þrjá hringi áður en hann þurfti að hætta keppni vegna tímamarka. Matthías Schou Matthíasson (Tindur) missti af hópnum upp klifrið á fyrsta hring og fékk að hjóla einn hring áður en hann var flaggaður úr keppninni.

Hitastigið úti í Portúgal hafði mikil áhrif á íslensku þátttakendurna en hópnum tókst þó að aðlagast hitanum nokkuð vel. Strákarnir taka með sér verðmæta reynslu úr mótinu og munu æfa samviskulega fram að næstu verkefnum.

- Sunnudagur 10. júlí 2022, Anadia (POR)