Landsliðs- og afreksnefnd Hjólreiðasambands Íslands boðar til hæfileikabúða fyrir efnilegasta hjólreiðafólk landsins í götuhjólreiðum.
Gengið hefur verið frá leigu á Vindáshlíð í Kjós dagana 10. til 12. apríl n.k.
Svipað snið verður á þessum hæfileikabúðum og þeim sem voru í Reykjadal, Mosfellsdal vorin 2023 og 2024 nema að þessu sinni verður fókusinn aðeins á götu hjólar fólkið okkar. 

Einnig er svo stefnt að því að endurtaka þær hæfileikabúðir sem haldnar voru seinasta haust á Ísafirði, en þar verður áherslan aftur aðeins á fjallahjólin enda aðstaðan sem þar er að finna ein sú allra besta á landinu.

Landsliðsþjálfari mun senda út boðsbréf til þeirra sem valdir verða til þátttöku í búðunum í Vindáshlíð fljótlega.