Þriðjudaginn 15. júní var haldið Íslandsmótið í tímatöku á Suðurstrandaveginum við Þorlákshöfn. Það var Tindur sem hélt mótið í ár. Allir flokkar hjóluðu sömu vegalengd um 22 km.

Íslandsmeistarar urðu þau Rúnar Örn Ágústsson og Ágústa Edda Björnsdóttir bæði úr Tindi.

Í karlaflokki varð Ingvar Ómarsson í öðru sæti og Hákon Hrafn Sigurðsson í þriðja sæti, báðir úr Breiðablik.
Í kvennaflokki var Margrét Pálsdóttir, Breiðablik í öðru sæti og Rannveig Anna Guicharnaud, Tindi í því þriðja.

Í flokki kvenna yngri en 23 varð Elín Kolfinna Árnadóttir, Breiðablik fyrst og í karlaflokki U-23 sigraði Kristinn Jónsson , HFR.

Heildarúrslit má sjá á hri.is.