Ferðabréf frá 1. degi á Ósló Terrengsykkelfestival í Noregi, 21.08.2021 (UCI Cat 1)

Sælir. Þetta gekk bara fínt hjá okkur í dag. Ótrúlega gaman að sjá hversu PRÓ Norsararnir eru í að halda svona keppnir. 

Byrjaði vísu með smá klúðri hjá okkur (mér) þar sem Tómas datt inní upphitun hjá M15 þar sem M15 og M16 starta með nokkra mínútna millibili. Þetta varð til þess að hann var pínu of seinn í startið. En stóð sig sam hrikalega vel og leit vel út á tæknilegu köflunum.

Helga Lísa ræsti næst af okkur Íslendingunum. Hún var (eins og Tómas) flott í tæknilegu köflunum og þurfti kvorugt þeirra að taka svokölluð "chicken run" í brautinni sem er alls ekki sjálfgerfið í svona tæknilegri braut.

Næstur var Kristinn sem ræsti rétt á undan Davíð og Breka. Þeir voru allir flottir og þurftu að gefa allt sem þeir áttu í að halda sér í hópnum í startinu enda engar smá "byssur" þarna á ferð. Kristinn kláraði með stæl en var vísu hringaður af Noregs meistaranum sem kláraði á topp 20 á síðustu ólempíuleikum.

Davíð krassaði og Breki lenti í veseni með afturskiptinn (eftir að hafa hjólað utaní grjót) svo að hvorugur kláraði keppni.

Gunnar Örn Svavarsson - fararstjóri
Ósló, 21. ágúst 2021