Æfingardagur með ungliðahóp Brettafélags Hafnarfjarðar.

Afreksstjóra Hjólreiðasambands Íslands - Mikael Schou var laugardaginn 20. nóvember boðið að kynna starfsemi afreksdeildar HRÍ á kynningarfundi fyrir ungmenni í Brettafélagi Hafnarfjarðar.

Farið var yfir stöðu enduro hjólreiða og fjallabruns hér heima og hvaða erlendu keppnir gætu nýst unglingunum til að öðlast frekari reynslu.

Tekið var fyrir hvernig enduro hjólreiðar eru að verða viðurkennd keppnisgrein innan UCI og möguleika okkar íslendinga á alþjóðlegum vettvangi.

Einnig var rætt við þjálfara BFH um æfingarstarfsemi félagsins en líka hvaða keppnir ungmennin ættu að setja í forgang á íslenskri grundu.

Að auki var hvatt til þess að félagið sæki keppnisreynslu að utan og setji æfingar- og keppnisferðir inn í plön næsta árs.

Að loknum fundi var svo tekin hressileg fjallahjólaæfing á helstu æfingaslóðum félagsins innan bæjarfélags Hafnarfjarðar.

Afreksstjóri var ánægður með stöðu mála hjá ungmenni BFH og vonast til að sjá sem flest þeirra í bikarkeppnum HRÍ næsta sumar.