Þessa dagana eru 4 ungir hjólarar í Cyclo-cross æfingabúðum í  höfuðstöðvum Alþjóða hjólreiðasambandsins - UCI í Aigle, Sviss. Æfingabúðirnar standa yfir dagana 8. til 13. október.

Seinustu ár hefur UCI boðið nokkrum löndum að senda efnilega hjólara á aldrinum 16 til 22 ára til æfinga í Aigle, Sviss. Í æfingabúðunum er einblínt á líkamlegan og andlegan styrk ásamt færni og þjálfun á sviði cyclo-cross greinarinnar. Í lok æfingabúðanna munu svo þátttakendur taka þátt í keppninni "Omnium Romand de Cyclo-cross", sem fer fram á sama stað.

Þau sem fóru til Sviss í ár voru þau; 

• Sólon Kári Sölvason - HFR
• Eyrún Birna Bragadóttir - HFR
• Hekla Henningsdóttir - HFR

Er þetta þriðja árið sem okkur er boðið að senda okkar efnilegasta CX fólk út til Aigle. Í fyrra fóru þeir Tómas Kári Björgvinsson Rist  og Ísak Steinn Davíðsson frá BFH. og svo þær Fanney Rún Ólafsdóttir og Sigríður Dóra Guðmundsdóttir frá HFR.

Árið þar áður voru það þau Eyþór Eiríksson, Breki Gunnarson, Jóhann Dagur Bjarnason og Bergdís Eva Sveinsdóttir öll frá HFR, sem fóru til Aigle.