Í dag fóru keppendur aftur af stað að kíkja á keppnisbrautirnar hér í Belgíu. En á morgun er komið að fyrsta keppnisdeginum á Evrópumótinu í götuhjólreiðum 2024. Þá munu þau Davíð Jónsson, Hafdís Sigurðsdóttir, Silja Jóhannesdóttir og Kristinn Jónsson taka þátt í Tímatökukeppni Evrópumótsins Hjólað verður frá Heusden-Zolder sem leið liggur til Hasselt, eða samtals 31,2 km. vegalengd.

Fyrstur íslendinga til að taka þátt er Davíð sem keppir í U23 flokki. Sú keppni hefst kl. 13:26 (klukkan 11:28 að íslenskum tíma) og er Davíð þriðji í rásröðinni. 

Næstar til að renna sér niður tímatöku rampinn eru þær Silja og Hafdís en þeirra keppni í elíte flokki kvenna hefst uppúr kl. 15. Silja startar önnur og hefur keppni kl. 15:13 en Hafdís er sautjánda í röðinni kl. 15:28.

Elite flokkur karla hefst svo uppúr kl. 16:30 þar sem Kristinn fer af stað númer 16 í röðinni klukkan 16:49.

Sjá betur hér start tíma allra okkar keppenda á morgun (að staðartíma)
Davíð kl. 13:28
Silja kl. 15:13
Hafdís kl. 15:28
Kristinn kl. 16:49

Start tímar allra keppenda má sjá inni á heimasíðu keppninnar.

Sýnt er beint alla keppnisdagana á rásum Eurosport.