Hjólreiðasamband Íslands boðar til áhugaverðs fræðslufundar þann 7. mars n.k. í fundarsal Íþrótta- og Ólympíusambands Íslands, Engjavegi 6, 3. hæð.

Birgir Sverrisson hjá Lyfjaeftirliti Íslands mun fara stuttlega yfir helstu forvarnir og starfsemi stofnunarinnar – að gæta þurfi varkárni við notkun fæðubótarefna og lyfja ásamt ábyrgð íþróttafólks í keppnisíþróttum til að afla sér upplýsinga um efni á bannlista Alþjóðalyfjaeftirlitsstofnunarinnar (WADA).

Síðan mun Ásdís Hjálmadóttir Annerud, Íslandsmethafi í spjótkasti og þrefaldur Ólympíufari halda fyrirlestur sinn "Sterkari Hugur" þar sem hún mun kenna okkur að þjálfa hugann til þess að verða andlega sterkara íþróttafólk og geta náð okkar besta árangri þegar það skiptir mestu máli. Farið verður í af hverju allt íþróttafólk þarf að þjálfa andlegu hliðina líka. Ásdís segir sína sögu þegar kemur að hugarþjálfun, kennir sínar 5 grunnaðferðir í hugarþjálfun og talar um hvernig við getum notað þær í kringum okkar keppnir.

Mætum tímanlega - dagskráin hefst stundvíslega kl. 18.30.

Teams tengill á viðburð