Landsliðs- og afreksdeild Hjólreiðasambands Íslands boðar árlega til hæfileikabúða fyrir fremsta hjólreiðafólk landsins. Í ár voru þessar búðir haldnar með aðeins öðru sniði eða einungis fyrir efnilegustu iðkendur í flokkunum U17, U19 og U23, þ.e. iðkendur fæddir á árunum milli 2001 og 2008.

Markmið búðanna er að efla samstöðu ungra, hæfileikaríkra iðkenda úr öllum greinum hjólreiða og hvetja til virkrar þátttöku á keppnissviði íslensku hjólreiðasenunnar. Með það að leiðarljósi að bæta árangur og getu til að undirbúa þau fyrir þátttöku í verkefnum á vegum landsliðs Hjólreiðasambands Íslands.

Dagana 28.–30. apríl s.l. fóru fram skipulagðar fræðslu- og æfingabúðir á Reykjadal í Mosfellsdal. Þar hittust 30 efnilegustu götu- og fjallahjólarar landins í Reykjadal í Mosfellsdal. Það var mikið hjólað, hlýtt var á áhugaverða fyrirlestra, farið í pottinn, notið samverunnar og borðaður góður matur.

Hjólreiðasambandið þakkar veittan stuðnings þeirra fyrirtækja sem veittu búðunum stuðning. Allur stuðningur úr samfélaginu er sambandinu gríðarlega mikilvægur til þess að starfsemi þess sem og uppbygging hjólreiðaíþróttarinnar hérlendis geti náð að dafna. Mikill metnaður er hjá sambandinu að byggja upp frambærilega hjólara á alþjóðavísu og eru hæfileikabúðir sem þessar mjög mikilvægur þáttur í þeirri vegferð. 

Phoenix Seafood 
Kjarnafæði 
Vísir hf. Grindavík

Mjólkursamsalan 
Hreysti 
Origo Ísland

Þjálfarar:
Þórdís B. Georgsdóttir
Helgi Berg Friðþjófsson
Steini Sævar Sævarsson
Sigurður Ólason
Ása Guðný Ásgeirsdóttir
Ármann Gylfason

Aðrir starfsmenn:
Carlos Albert Mendez - yfirkokkur
Björgvin Tómasson
Arnar & Anna Lára
Sölvi

Mikael Schou - afreksstjóri
Björgvin Jónsson - framkvæmdastjóri