Þær Silja Jóhannesdóttir og Hafdís Sigurðardóttir luku sinni keppni á Evrópumótinu í götuhjólreiðum í dag. Ekki tókst þeim að klára keppni þar sem þær voru flaggaðar út eftir að hafa hjólað u.þ.b. 70 af 128,3 km.

Keppendur vissu fyrir ræsingu að þetta yrði hröð keppni í afar tæknilegri braut og þær stöllur sýndu hetjulega baráttu og vilja til þess að klára keppni.

Þjóðir á borð við Holland og Ítalía sáu til þess að halda hraðanum ávallt uppi og var aldrei slegið af fyrir endasprettinn við Odeonsplatz í hjarta München.

Hollenska Lorena Wiebes bar svo sigur úr býtum eftir geysihraðann endasprett gegn heimsmeistaranum Elisa Balsamo frá Ítalíu.

Öll úrslit götuhjólamóta Evrópumótsins má sjá hér á heimasíðu UEC.