Í dag fór fram Íslandsmótið í Cyclocross (CX) tímabilsins 2024-2025
á útivistarsvæði Mosfellsbæjar við Stekkjarflöt.

Skipuleggjendur voru Tindur hjólreiðafélag en mótstjóri var Jón Gunnar Kristinsson úr HFR. Þakkir til Mosfellsbæjar að bjóða hjólreiðafólk velkomið í heimsókn og fyrir að bjóða keppendum svo í sund eftir keppni.

Sigurvegarar í Elíte flokkum í ár voru þau Kristín Edda Sveinsdóttir og Ingvar Ómarsson annað árið í röð.

Þetta er þriðji íslandsmeistaratitill Kristínar Eddu í greininni, en sinn fyrsta titil í CX vann hún haustið 2017, þá aðeins 18 ára að aldri. Ingvar er með sigrinum í dag kominn með 8 Íslandsmeistaratitla í CX og aðeins einu sinni verið sigraður þegar keppt er um titil í greininni hér á landi. En það var einmitt á sama móti og Kristín Edda sigraði í sitt fyrsta skiptið, í nóvember 2017. Þar sem Ingvar varð að sætta sig við 2. sætið á eftir Gústaf Darrasyni.

Í öðru sæti í flokki kvenna var Björg Hákonardóttir og í þriðja Júlía Oddsdóttir. Í karla flokki var Davíð Jónsson í öðru sæti og í því þriðja var Maxon Quas.

Úrslit dagins voru þessi:

A-flokkur Karla
1. Ingvar Ómarsson - Breiðablik
2. Davíð Jónsson - HFR
3. Maxon Quas - Tindur

A-flokkur Konur
1. Kristín Edda Sveinsdóttir - HFR
2. Björg Hákonardóttir - Breiðablik
3. Júlía Oddsdóttir - Breiðablik

U23-flokkur KK
1. Davíð Jónsson - HFR
2. Breki Gunnarsson - HFR
3. Björgvin Haukur Bjarnason - HFR

B-flokkur Konur
1. Hjördís Birna Ingvadóttir - HFR

B-flokkur Karlar
1. Kristinn Jón Arnarson - HFR
2. Rögnvaldur Már Helgason - HFA
3. Bragi Hreinn Þorsteinsson - HFR

Junior KVK
1. Una Ragnheiður Torfadóttir - HFR

Junior KK
1. Baldur Þorkelsson - Afturelding
2. Einar Valur Bjarnason - HFR

U17 KK
Hrafnkell Steinarr Ingvason - HFR

U15 KVK
1. Áslaug Yngvadóttir - HFR

U15 KK
1. Kristján Þór Jóhannsson - Afturelding

C-flokkur KK
1. Jóhann Arnór Elíasson - Afturelding