Eftir fjölda ábendinga hefur stjórn HFA ákveðið að stytta keppnisvegalengd hjá A-Flokk karla í Íslandsmeistaramótinu i götuhjólreiðum sem fram fer á Mývatni þann 25. júní.

Í stað þess að hjóla 190km leið eftir Demantshringnum svokallaða mun A-flokkur karla hjóla sömu leið og A-flokkur kvenna og B-flokkur karla að viðbættum 40km hring sem gerir keppnina 138km.

Þegar komið er upp Hvammsbrekkuna á Kísilveg í Reykjahverfi ofan við Laxárvirkjun taka karlar Vinstri beygju til norðurs, í stað þess að beygja til hægri, og hjóla eftir Kísilvegi upp að Laxamýri þar sem tekin er vinstri beygja og hjólað framhjá Húsavíkurflugvelli inn í aðaldal. A-flokkur mun svo hjóla aftur eftir Hvammavegi og upp Hvammsbrekkuna. Í seinni umferð taka þeir svo hægri beygju og stefna rakleiðis aftur upp á Mývatn.

Við vonum að þessi breyting valdi engum óþægindum, en ef einhver hefur athugasemdir eða spurningar má hafa samband við formadur@hfa.is eða Árna í síma 8654195.