Norðurlandamótið í Fjallabruni var haldið í Ruka í Finnlandi um helgina. Fyrir hönd Íslands kepptu þau Margrét Blöndahl Magnúsdóttir í U17, Brynjar Logi Friðriksson og Björn Andri Sigfússon í U19 flokki.

Íslenska liðið stóð sig algjörlega með prýði og hefur aldrei verið jafn samkeppnishæft.

Margrét lenti í öðru sæti í sínum flokki og náði þannig í silfur verðlaunin á tímanum 1:16.525, sem er aðeins 7.5% á eftir hraðasta overall kvennatíma dagsins.

Björn endaði í 6. sæti eftir gríðarlega harða baráttu í mjög krefjandi U19 flokki. Björn var á tímanum 1:07.553, sem er aðeins 11.8% á eftir hraðasta heildartíma karla dagsins.

Brynjar endaði í 7. sæti rétt á eftir Birni eftir að hafa dottið í tímatökum og þurft að fara aðra keppnisferð útaf rauðu flaggi í braut. Brynjar var á tímanum 1:09.839, sem er aðeins 14.7% á eftir hraðasta heildartíma karla dagsins.

Þetta var frumraun þeirra Brynjars og Margrétar í keppni í Fjallabruni erlendis.