Norðurlandamótið í fjallahjólreiðum fór fram í Halden, Noregi dagana 21.-22. september s.l. Íslenska liðið var með tvo magnaða keppendur í U17 flokki, þau Sólon Kára Sölvason og Heklu Henningsdóttur. 

Fyrri daginn var keppt í svökallaðri XCC keppni (Cross-country short track).
Þar endaði Sólon í 19. sæti af 24 keppendur sem hófu keppni,á meðan Hekla varð í 10.sæti af 10 keppendum í sinni keppni þennan fyrri keppnisdag.

Seinni daginn var keppt í Ólympískum fjallahjólreiðum (XCO).
Þar endaði Hekla í 10.sæti af 10 keppendum dagsins á meðan Sólon varð í 20. sæti af þeim 25 keppendum sem mættu og tóku þátt þennan daginn.

Báðir keppendur stóðu sig frábærlega á krefjandi brautinni og fullvíst að þau hafi tekið með sér mikilvæga reynslu frá þessu Norðurlandamóti. Óhætt er að segja að erfitt sé að bera saman þær keppnir sem haldnar eru hér á landi við þessar aðstæður.
Þar sem þær keppnir sem haldnar eru á Íslandi í yngri aldursflokkunum eru bæði fásóttari og brautir almennt auðveldari en það sem gengur og gerist erlendis.