Ferðabréf frá 2. degi á Ósló Terrengsykkelfestival í Noregi, 22.08.2021 (UCI Cat 3)

Á sunnudeginum var svo XCC keppni. Þar er tekinn c a 0,75 km útgáfa af XCO hringnum og hjólaði okkar fólk 7 til 9 hringi eftir flokkum. Tómas kári ræsti fyrstur af okkur kl 11:30 og náði góðu starti, sem ekkert auðvelt því það er allt sett í botn frá fyrstu sekúndu til enda. Hann var mjög flottur í brautinni og kláraði með stæl. Næst í braut var Helga Lísa kl 13.30. Þá gerðist það leiðinlega atvik að meðan hún var í upphitun þá ræsti hennar flokkur Woman junior með W.Elite kl 13.00!!! Þessu var víst breiitt 2 dögum áður og við fengum enga tilkynningu um að tímanum hefði verið breitt. Við frekari eftirgrennslan komumst við að því að hin liðin fengu þessar upplýsingar í gegnum norska keppnissíðu sem við vissum ekki af.....svo þannig fór nú það! Næst var það svo junion karla. Þar startaði Breki en Davíð treysti sér ekki eftir byltu gærdagsinns. Breki fór vel af stað en lenti í því að sprengja í miðri braut. Hann kom hlaupandi í pittinn og það var hent annari gjörð undir með hraði svo hann náði að klára keppni! Svo að lokum var það Kristinn í Elite karla. Þar voru frekar fáir keppendur á ráslínu. Þar var startað með þvílíkum látum að undiritaður hefur sjaldan séð annað eins!!!! Kristinn þurfti að gefa allt sem hann átti bara til að hanga í hópnum enda sögðu norsararnir sem voru með mér að rétta brúsa á drykkjarsvæðinu að það væru bara sterkustu keppendurnir þeirra sem væru með í XCC.

Gunnar Örn Svavarsson - fararstjóri
Kópavogur, 23. ágúst 2021