Þá er seinasti keppnisdagur Smáþjóðaleikanna í ár á enda kominn. Í dag fór fram keppni í götuhjólreiðum.
 

Kvenna keppnin fór rólega af stað en fljótlega náðu tveir keppendur  frá Lúxemborg að slíta sig frá hópnum. Saman tókst þeim að byggja ofan á forskot sitt á hópinn og sigra örugglega. Úrslit okkar kvenna voru þannig að Hafdís endaði í 9. sæti, Bríet 19 sæti, Júlía í 20., Silja 22., Sara 23.,og Sóley í sæti númer 26.

Brautin var mjög tæknileg þar sem 400 metra klifur var í lokin sem bauð upp á hættulegan niðurkafla. En þar féll Silja í lokahringnum en náði samt að klára.

Úrslit keppninnar má sjá hér.

Karlakeppnin byrjaði með nokkrum látum. Þar var Kristinn sem stóð vaktina meðal fremstu manna og lokaði á öll 'breake' sem reynd voru í byrjun. Ekkert slíkt náði að myndast fyrr en eftir fúmlega 25 km. en á svipuðum tíma var smá árekstur í hópnum þar sem að Davíð féll í götuna. 
Á þessum tímapunkti var aðeins Ingvar eftir í fremsta hópi af okkar mönnum sem samanstóð af um 25 keppendum.
Engin af okkar mönnum náði að koma sér aftur í fremsta hóp. Þegar langt var komið á keppnina fóru 2 keppendur frá stóra hópnum og náðu að halda sér fremstir út keppnina. Eins og við hefði mátt búast réðst karla keppnin á stóra klifrinu á seinasta hring. Líkt og í kvennakeppninni voru það keppendur frá Lúxemborg sem tóku 2 efstu sætin í götuhjólakeppninni hér á Smáþjóðaleikunum í Andorra. 

Úrslit okkar manna voru þau að Ingvar var í 15. sæti og þeir Kristinn, Eyjólfur og Daníel komu saman í mark í sætum 31,32 og 33. Davíð og Breki kláruð ekki keppni í dag.

Úrslitin fá finna hér.