Um næstu helgi fara fram 3 hjólreiðamót á höfuðborgarsvæðinu.

 Á laugardaginn 29. ágúst fara fram tvö mót. Annars vegar Íslandsmót í Criterium sem hefst kl. 10. Mótið fer fram í Hafnarfirði og er haldið af Bjarti hjólreiðafélagi. Frekari upplýsingar og skráningar með finna hérna.

Hins vegar fer fram stigamót í fjallabruni (DH). Það mót fer fram í Öskjuhlíðinni og hefst kl. 13. Mótið er haldið af HFR en frekari upplýsingar og skráningar fer fram hérna.

Á sunnudaginn verður svo Íslandsmót í fjallahjólreiðum (XCM). Þetta mót átti að halda á vestfjörðum um miðjan júlí (Vesturgatan) en vegna slæms veðurs og aðstæðna á svæðinu var því móti aflýst. Því var ákveðið að halda mótið núna 30. ágúst með breyttu sniði. Hjólaði verða hringir í Heiðmörk og hefst mótið kl. 10 á sunnudagsmorgun. Frekari upplýsingar og skráning fer fram hérna.