Fréttir

Nú þegar sumarið er svo gott sem búið þá gengur í garð hið svokallaða Cyclo-Cross tímabil. Á dagskrá eru nú nokkur bikarmót og endar svo tímabilið á Íslandsmótinu í Gufunesi. Dagská haustsins er sem hér segir. 17. september - 1. bikar Gufunesi 1. október - 2. bikar Elliðaárdal 8. október - Íslandsmótið í CX - Gufunesi Allir viðburðirnir eru haldnir af Hjólreiðafélagi Reykjavíkur.

Í gær fór fram Íslandsmótið í Enduro Í Reykjadal og Grensdal (Grændal) í Hveragerði. Mótið var haldið af Tindi. Sigurvegarar í Elíte flokkum voru þau Dagbjört Ásta Jónsdóttir og Helgi Berg Friðþjófsson. Í öðru sæti í flokki kvenna var Þórdís Björk Georgsdóttir og í þriðja sæti varð svo Gunnhildur Ingibjörg Georgsdóttir. Í öðru sæti í flokki karla var Jónas Stefánsson og í þriðja sæti varð svo Jakob Daniel Magnusson.

Heimsmeistaramótið í maraþon fjallahjólreiðum fer fram í dönsku borginni Hederslev 17. september n.k. Nýkrýndur íslandsmeistari í greininni og seinustu ára, Ingvar Ómarsson mun mæta til leiks. Honum innan handar verður Hafsteinn Ægir Geirsson.

Í dag fór fram Íslandsmótið í Maraþon fjallahjólreiðum (XCM) á Hólmsheiðinni. Um var að ræða sömu braut og var notið í fyrsta skiptið í fyrra. Mótið var haldið af Tindi. Sigurvegarar í Elíte flokkum voru Ágústa Edda Björnsdóttir og Ingvar Ómarsson. Í öðru sæti í flokki karla var Hafsteinn Ægir Geirsson og í þriðja sæti varð svo Dennis van Eijk.

Stigamálin í bikarmótaröðum sumarsins hafa því miður verið í miklum ólestri hjá okkur og við í stjórn HRÍ gerum okkur grein fyrir því að þetta getur hafa komið sér illa fyrir marga keppendur. Við höfum unnið hörðum höndum við að kippa þessu í lag og nú ætti þetta að vera komið.  Við biðjumst hér formlega afsökunar á því hvenig þetta hefur verið og lofum betrumbót fyrir næsta sumar.

Í dag fór fram Íslandsmótið í Criterium á braut Kvartmíluklúbbsins í Hafnarfirði við Álfhellu. Mótið var haldið af Bjarti. Sigurvegarar í Elíte flokkum voru Silja Jóhannesdóttir og Ingvar Ómarsson. Í kvenna flokki varð Hafdís Sigurðardóttir í öðru sæti og í þriðja sæti var Júlía Oddsdóttir. Í öðru sæti í flokki karla var Kristinn Jónsson og í þriðja sæti varð svo Óskar Ómarsson.

Þær Silja Jóhannesdóttir og Hafdís Sigurðardóttir luku sinni keppni á Evrópumótinu í götuhjólreiðum í dag. Ekki tókst þeim að klára keppni þar sem þær voru flaggaðar út eftir að hafa hjólað u.þ.b. 70 af 128,3 km.

Á morgun sunnudag leggja þær Akureyrardætur Silja Jóhannesdóttir og Hafdís Sigurðardóttir af stað í götuhjólakeppni Evrópumótsins í Þýskalandi. Silja Rúnarsdóttir tekur ekki þátt vegna veikinda.

Í dag tóku íslensku keppendurnir þrír þátt í Evrópumótinu í tímatöku á götum Fürstenfeldbruck sem er í jaðri München borgar, Þýskalandi. Hjólaðir voru 24 km braut. Íslensku keppendurnir gáfi allt sitt í dag og stóðu sig með prýði. Silja Rúnardóttir endaði í 28. sæti á meðan Hafdís Sigurðardóttir var í 26. sæti. 1. Marlen Reusser (SUI) - 30:59.90 2. Ellen van Dijk (NED) - 31:05.67 3. Riejanne Markus (NED) - 31:27.78 _ 26. Hafdís Sigurðardóttir - 34:58.81 28. Silja Rúnarsdóttir - 35:44.78 Ingvar Ómarsson endaði svo í 30. sæti í karlakeppninni sem einnig fór fram í sömu braut í dag. 1. Stefan Bissegger (SUI) - 27:05.96 2. Stefan Küng (SUI) - 27:06.49 3. Filippo Ganna (ITA) - 27:14.00 _ 30. Ingvar Ómarsson - 31:12.19  

Í gær lauk íslenski landsliðshópurinn keppni í Norðurlandamótinu í ólýmpískum fjallahjólreiðum (XCO) sem haldin var á Skullerud (Ósló) í Noregi. Strákarnir voru undir styrkri leiðsögn Bjarka Bjarnasonar fararstjóra og þjálfara. Anton Sigurðarson keppti í aldurshópnum U17 (15–16 ára), þeir Tómas Kári Björgvinsson Rist, Davíð Jónsson og Breki Gunnarsson kepptu í Junior flokki en Kristinn Jónsson í Elite flokki. Á laugardag fór fram Norðurlandamótið í XCO í flokkunum Junior, Elite og Master. Keppnin í U17 flokki gilti ekki til Norðurlandamóts. Úrslit má sjá hér: https://live.eqtiming.com/61759#result Í gær, sunnudag, var svo keppt í styttri "short track" keppni (XCC) í öllum flokkum en þar gekk íslenska hópnum mun betur en deginum áður. Úrslit má sjá hér: https://live.eqtiming.com/61760#result Hitinn var mikill, brautin afar tæknileg og samkeppnin mun meiri en menn eru vanir. Keppendur okkar lögðu allt í þetta og stóðu sig allir vel. Þeir koma heim reynslunni ríkari er þeir stefna að næstu keppnum á fjallahjólinu.